خلاص مسامحك .. بس روحي ولا ترجعين

طلال الحسن

أيهما أفضل القصيده الأولى أم الثانية كل واحد منكم يضع تعليقة عليها لو أمكن ....

	خلاص مسامحك .. بس روحي ولا ترجعين تبينـي أسامحك مو هذا اللي تبينه ........ مو هذا اللي تسألين عنه و تنشدين لقيتي انسان غيري يحبك وتحبينـه.......... نسيتي منهو أنا ومااظن انك تنسين هويتيه ونسيتي اني أول حب تهوينه......... عشقتيه وأنا أول انسـان تعشقين طيب جرحي البريء ليه تتجاهلينه .......... منهو يداوييه منهو يشفيه الحيـن جرحتيني جرح كبير الله ياشينـه .......... مافاد فيه الترقيع ولا حتى التلويـن لا تقولي وين جرحك أنتي تعرفينه .......... قولي وين فرحك و الا ماتدريـن زرعتك ورده وحبي كنتي تشربينه.......وجنيت أشواك وفوق هذا تصدين آآه لو تشوفي القهر فيني بتعذرينه ...... ليه قلتي انك لي يعني كنتي تخدعين مو حرام تكذبي على انسان تحبينه.........والا بعد هذي كذبه وما تحبيـن مو قلتي تحبين قلبي وماراح تتركينه ........ رحتي وناديتك ولاكأنك تسمعين وين حبي وحبك يوم كنتي تربينه..........ليه سرقتي احساسي والا ماتحسين طيب حـبي المسكين ليه تظلمينه.........لا تقولي انك مغصوبه وماتقدرين عطيتك قلبي و حتى قلبي تجرحينه ....... كل همك بهالدنيا كيف تجرحين آه يالقهر حبـي ماقدرتي تفهمينه ......... مافهمتي الحب أجل وايش تفهمين لو عالأقل رديتي قلبي اذا ماتريدينه.........مو تعلقيني بالحب و بعدين تبيعين منهو غيري أعطاكِ روحه بايدينه..........ويوم طلبت تردين روحي تبخلين معقوله بعد ما مات الحب بتحيينه..........و معقوله أصدق انك تبي ترجعين خسرتي قلبي ياللي ما كنتي ترحمينه......قسّيتي قلبي الين صار حجر مايلين ماظن بعد اللي صار حبي تعوظينه......... وانسان مثلي يحبك ماراح تلقيـن خلاص مسامحك وقلبي ربي يعينه.........مسامحك بس روحي ولا ترديـن مسامحك ويامرّ السماح ويازينـه ......... خلاص مسامحك بس لا ترجعين

__________________________________________________ _______

	خلاص مسامحك .. بس حبي لا تطرينــه تبينـي أسامحك مو هذا اللي تبينه......مو هذا اللي تسألين عنه و تنشدينه لقيتي انسان غيري يحبك وتحبينـه......نسيتي منهو أنا ومااظن انك تنسينه هويتيه ونسيتي اني أول حب تهوينه...... عشقتيه وأنا أول انسـان تعشقينه طيب جرحي البريء ليه تتجاهلينه......منهو يداوييه وكيف الحين تشفينه جرحتيني جرح كبير الله ياشينـه......خساره قلبي البريء بسهوله ترمينه لا تقولي وين جرحك أنتي تعرفينه...... اسألي عن فرحي وقولـي وينـه زرعتك ورده وحبي كنتي تشربينه......جنيت أشواك وغرور ماتبي تسيبينه آآه لو تشوفي القهر فيني بتعذرينه......ليه قلتي انك لي و قلبي تخدعينـه مو حرام تكذبي على انسان تحبينه......والا بعد هذي كذبه و تكرهينـه مو قلتي تحبين قلبي وماراح تتركينه......رحتي و قلبي ينادي ولا تسمعينـه وين حبي وحبك يوم كنتي تربينه......ليه سرقتي احساسي والا ماتحسينه طيب حـبي المسكين ليه تظلمينه...... لا تقولي انك مغصوبه وماتقدرينه عطيتك قلبي و حتى قلبي تجرحينه......كل همك بهالدنيا كيف تجرحينه آه يالقهر حبـي ماقدرتي تفهمينه......ماقدرتي الحب ولا راح تقدرينـه لو عالأقل رديتي قلبي اذا ماتريدينه......مو تعلقيني بالحب و بعدين تبيعينه منهو غيري أعطاكِ روحه بايدينه......ويوم طلبت تردين روحي تبخلينه معقوله بعد ما مات الحب بتحيينه......و معقوله أصدق ان حبي بترجعينه خسرتي قلبي ياللي ما كنتي ترحمينه......قسّيتي قلبي الين صار النار ماتلينـه ماظن بعد اللي صار حبي تعوظينه......وانسان مثلي يحبك ماراح تلقيـنه خلاص مسامحك وقلبي ربي يعينه......مسامحك روحي وحبي لا تطرينـه مسامحك ويامرّ السماح ويازينـه......خلاص مسامحك وحبي لاتطرينـه

دندره

[مزاجي]:

صح لساااااانك

سااحرهم

[مزاجي]:

صح لسانك

كلها حلوة

يسلموو

كلي عذآب

[مزاجي]:

الصراحه القصيدتين حلوين

بس الاوله احلى

بس في كم بيت من القصيده الثانيه حلوة

يعني خذ من الثانيه وحطها بالاوله ورح تصير اروع قصيده

كلماتها قاااسيه مؤلمه

تخبرنا عن قصه حزينه ابطالها ماتو ولم يشعرو بالحب

يعطيك العافيه يارب

وسلمت يمينك

ولا تطول علينا بالقصايد الحلوة

دام قلمك ونبض قلبك

عذوووبة

طلال الحسن

الله يعطيكم العافية ومشكورين على مروركم ةتقبلوا مني كل أعتزازي وأحترامي وتقديري ......


أخوكم / طلال الحسن

بنت عز

[مزاجي]:

يسلموووووو اخوي صح لسانك
وبصراحه كها حلووووووووووه

لعيونك

[مزاجي]:

هلا و غلا
صح لسانك
الله مير تحييه و تبقيه ويعطيك العافيه

تقبل مني خالص تحياتي

ميدو

[مزاجي]:

كلهم حلووووين

صح لسانك


تقبل مروووري


أخوك

ساهر الليل

«®°·.¸.•°°·.¸¸.•°°·.¸.•°®»الله يعطيك الف مليون عافيه ياشاعرنا المبدع والله لا يحرمنا من قصايدك اللي زي العسل والله انك استاذي
اخوك / ساهر الليل «®°·.¸.•°°·.¸¸.•°°·.¸.•°®»

كلي براءه

[مزاجي]:

يعطيك الف عااافيه
روووعه