والحين لازم جو الهدوء عشان تعرفون تقرون ...
و القصة للكاتبة (خجل العذارى) هذا للأمانة...
7
7
7
((... يا عيونه بس يكفيني عذاب ...))
الجزء الأول...
.......:شذى حبيبتي في ناس خطبوك من أبوك...
شذى وهي مستغربه: هلا يمه شتقولين في ناس خطبوني؟
أم محمد وهي تناظر بنتها الوحيدة :إيــــه خطبوك وينتظرون الرد عشان يجون يخطبون رسمي..
شذى بفضول : مين هم...أنا اعرفهم ؟
أم محمد: لا ما تعرفينهم...ولا أنا اعرفهم بعد؟
شذى: إذا أنا ولا أنت نعرفهم مين يعرفهم؟
أم محمد : خالد أخوك يعرف المعرس...
شذى وهي تناظر أمها: مرة وحده معرس زين يمكن ما أوافق...يا خوفي بس يطلع زي راكان اللي قبله ما يعرف...
أمها تقاطعها: أخوك خالد يمدح فيه ويقول مثله ما ينرد...
شذى: يعني بس خالد يعرفه.....
أمها وكأنها تذكرت حاجة: أنت بعد تعرفين خالته أخت أمه...
شذى باندهاش: خالته اعرفها أنا ؟ من تقصدين يمه ؟
أمها وهي تبتسم: فكري ...تتوقعينها مين؟
شذى وهي محتارة: مين من الجيران أو من أصدقاء العيله ؟؟
أمها: ما حزرت....و باقولك حاجة ترى أهل المعرس مو من الشرقية ؟
شذى واندهاشها زاد: مو من الشرقية...و أنا اعرف خالته واخوي خالد يعرف معرس الغفلة...و مثله ما ينرد..... يمه خلاص تراني خلاص وصلت حدي قولي لي مين وماله داعي هالفوازير اللي أنت مسويتها..
أمها: اوكيه بقولك...
تقاطعها شذى بضحتكتها الرنانة: هههههههههه أحلى يمه اوكيه هذي من وين جابيتها....والله الوالدة حركات..اوكية..بكرة ايش رح تقولين...تشاو...ههههههههههههه
ام محمد : تضحكين على أمك هاه؟ زين يا شذى موتي بفضولك نامي الليلة بدون ما تعرفين عريس الغفلة على قولتك...
شذى وهي تحاول تكتم ضحكتها : خلاص يمه والله أسفه بس بالله من اللي علمك عليها أكيد سعود ما غيره صح
أم محمد: ماني بقايله زين...
شذى قامت و حبت فوق راس أمها : خلاص السموحه يمه بس قولي لي من المعرس تكفين يمه الله يخليك الله يوفقك الله يـ....
أم محمد تقاطعها: خلاص زين زين باقول عاد أنتي تلصقين بالواحد إلين يقولك....
شذى: زين مين المعرس؟؟؟
ام محمد: خالته تراها معيدة بالكلية عندك بقسم لغة عربية؟؟
شذى والفضول ذابحها: بالله عندي بالكلية وبقسمي بعد مين هذي؟
أم محمد:اسمها عبير...عرفتيها ؟
شذى والبسمة شاقتها: من جد ونااااسة الصراحة أذا هو على خالته رح يكون جنتلمان...
أم محمد باستغراب: وش جنتلمانه أنتي و خشتك ؟
شذى وهي مبسوطة:ما عليك مني...زين أذا هو مش من الشرقية اجل من وين؟
أم محمد: من الرياض...
شذى وهي تناظر أمها: من الرياض...وجا الشرقية يخطبني...ليه خلصو بنات الرياض عشان يدور برا...
أم محمد:يقول لأخوك خالد أحنا ندور على العرق الطيب...
شذى: اوكيه يمه قولي لي عنه نبذه مبسطة و موجزة أكيد خالد قال لك شي عنه لو بسيط؟؟
أم محمد: خالد يقول أن اسمه تركي وهو ضابط وان عايلته مشاء لله عليها ناس معروفين بسمعتهم الطيبة ويقول أن أبوه و أخوه الكبير يشتغلون في التجارة وعندهم خير...
شذى وهي تبتسم: ضابط يمه أنت تتكلمين من جد؟
ام محمد: تعرفيني يا شذى أنا ما أحب المزح في أمور الجد اللي زي كذا
شذى:زين أسفه يمه...كملي
أم محمد: بس هذا أهم ما قالي أخوك...
شذى بضيق: شوفي يمه قولي لي حتى الفتافيت اللي قالها السيد خالد زيــــــــن ؟؟
أم محمد: اوفففف زين بقولك...يقول أن تركي هذا جاء الشرقية في دورة مدة ستة شهور وخالد خويه يوسف تعرفين في العسكرية بعد...يوم جا تركي دورته العسكرية كان يوسف معه اللي صار ان يوسف عزم تركي كذا مرة و نادي خالد أخوك....يقول عنه رجل والنعم فيه ما في مثله اثنين
شذى وهي تناظر أمها بنص عين:كذا عزيمة تخلي تركي هذا...يخطب أخت خالد اللي شافه مرات معدودة هاه؟..
أم محمد وهي تضرب بنتها بخفه على كتفها: يا النبيهه توني أقولك خالته عندك بالكلية أكيد سألها عنك ومدحتك له ( وأخذت أم محمد تمسح على شعر بنتها) والله وكبررتي يا شذى و بنزوجك...
شذى وهي تبتسم لأمها:أكيد بأكبر يا يمه مثل الناس...يعني تبيني اصغر مثلا؟...بس يمه كيف عرف تركي أني أنا أخت خالد ادرس عند خالته هاه؟
أم محمد: خالته هذي عبير كلمتني وهي أصلا اللي دلته علينا بس لقاء تركي بخالد كان صدفة...
شذى: يمه توك تقولين ما اعرفهم...
أم محمد: والله ما اعرفهم هي كلمتني وعرفتني بنفسها و قالت لي الموضوع وخالد كلمه تركي وينتظرون الرد عشان زى ما قلتلك...
شذى: أرد على واحد ما اعرفه الله يهداك يمه....
أم محمد: أخوك يمدحه وأنتي توك تمدحين خالته...
تقاطعها شذى : بس هذا ما يكفي يمه لازم نشوفهم ونسأل عنهم زين وبعد كذا لكل حادث حديث...
أم محمد:خلاص يعني أنتي ما عندك اعتراض للحين؟
شذى:اعترض على ايش؟؟
أم محمد: يعني يا حبيبتي أنتي مو معترضة(وبغت شذى تقاطعها) اسمعيني للآخر خليهم يجون ونشوفهم وبعدها نسأل عنهم أذا طلعوا أهل خير الله يحييهم و أذا كان غير كذا ننهي الموضوع من أوله ولا كأنه صار شي..
أعجبت شذى برأي أمها: يمشي اللي تقولينه يأم محمد..
أم محمد:الله يحفظك يا شذى و يكتبلك اللي فيه الخير...
وقامت أم محمد عن بنتها وطلعت من غرفة شذى عشان تقول لابو محمد برأي بنتهم الوحيدة
شذى عمرها 19سنه اصغر وحده في أخوانها وحدانية بين ثلاثة أولاد حلوة مملوحة وهي طويلة وجسمها روعة و يسمونها البنات باربي من حلاوة جسمها و شعرها لآخر ظهرها حلو وكثيف وناعم وهي بيضاء صافيه تميزها بحة صوتها الناعمة وهي طيبة وحبوبه و شذى مجنونة بالموضة والأناقة..
أخوانها محمد اكبر واحد عمره 33 يشتغل مساعد طيار بالخطوط السعودية
متزوج مريم ومريم هذي ملقوفة وفيها لعانة أحيانا تكون ملكة الطيبة وأحيانا العكس
وعندهم بنتين ريم 5سنين و رنا سنتين
ومحمد ومرته ساكن مع أهله بحكم سفره الدائم ما يقدر يخليهم لوحدهم عشان كذا ساكن مع أهله..
خالد 28سنه ثاني واحد متزوج بنت عمه مها وساكن بفيلة جنب أهله وهو يشتغل مهندس بناء
سعود24سنة توه راجع من برا كان يدرس بجامعة أكسفورد ببريطانيا وأول مارجع تعين مدير علاقات عامه بأهم الشركات الكبرى بالشرقية هو أحلى أخوانه وأملحهم بس طبعا بعد شذى ..............................
أم محمد بعد ما طلعت من غرفة شذى كانت بتروح لغرفتها إلا شافت رنا بنت محمد طايحة تبكي على الأرض...
أم محمد: وش فيها راني تبكي...(وشالتها من الأرض)...وش فيك يا رنا تبكين؟
إلا تجي مريم وتشيل بنتها من يد أم محمد وتقول وهي معصبة : خالتي ما تشوفينها طايحة على وجهها أكيد بتبكي...
أم محمد : وش فيك معصبة ؟؟
مريم : ما فيني شي بس بنتي طايحة...إلا شسالفة الرجال اللي خاطب شذى أسمعكم تتساسرون فيه ولا حد قال لي أو أفكر يقولي حتى مها مرة خالد تعرف السالفة وأنا آخر من يعلم...
أم محمد تركتها لأنها ما تبي مشاكل ومشت عنها وقالت: ما حصل شي و أذا صار شي قلنا لك ....
معروف عن مريم اللقافة واللعانة...بس قدام محمد حمامة سلام ...الكل منقهر منها حتى شذى بس دايم يوقفونها عند حدها و محد يشكي لمحمد منها لأنهم شايفينه يحبها ومرتاح معها..
مريم قعدت تأكل بنفسها من القهر لأنها ما تعرف شي في السالفة و منقهره من محمد زيادة لأنه أكيد بيعرف ولا قالها مع انه زوجته وأم عياله... ------------------------------
وفي الرياض...
متعب: أحلى يا تركي بتاخذ لك شرقاوية هاه
تركي وهو يبتسم لآخوه: شفت أخوك مب هين
متعب وهو يغمز لتركي: أهل الشرقية أهل الدلع يا تركي
هنا يتدخل أخوهم الكبير بندر: شوف يا تركي أذا المرة اللي بتا خذها زينة
حلوة...لا تنسى أخوك الكبير عشان أذا عجبتك بأخذ أختها...
تركي وهو يناظر أخوه بندر نظرة سخرية: ما تقدر لأن المدام مارح توافق على هالشي...وبعدين خلك مرتاح ما عندها خوات...
بندر وهو معصب: وش دخل مرتي في السالفة هاه؟
متعب وهو يكلم بندر: بندر يا عمي خلك مع بنت عمك أم فارس أحسن لك...
بندر أبو فارس: امزح على طول صدقت أنت و أخوك.....
الكل ضحك عليه لما قال كذا
بندر: المهم ما علينا تركي لو تأخذ لك وحده من بنات عمانك أو خوالك أحسن لك
تركي: خلاص يا بندر قفل السالفة تعرف ما حد منهم عاجبني أو حتى داخل مزاجي
متعب وهو يكلم بندر: تذكر بعض الناس يوم دموعهم أربع أربع لما خلصوا الثانوية توهم بزران يبون يتزوجون بنت عمك سلمى...
تركي وهو يضحك: عادكم تتذكرون أنا نسيت السالفة تدرون لها 8سنين يعني فيه ناس ماتوا وناس ولدوا وناس تزوجوا وتطلقوا وانتم عادكم فيها
بندر أبو فارس: لا مو عادنا فيها بس تقول مو عاجبينك بنات عمك..
تركي بضيق: هذا حب مراهقة حب عيال...وبعدين خلاص أنا بتزوج يعني خلاص قفلوا عليها...
ويقوم تركي عنهم ....
أبو فارس: وين تعال ...خلاص بنسكت...
تركي وهو ماشي:لا تسكتون كملوا كلامكم...بس ياليت تبعدوني وما أكون محور حديثكم....
متعب: أقول تركي وين رايح؟
تركي:بروح مع واحد من اخوياي عازمني على العشا...ويناظر تركي ساعته...شفتوا اخرتوني الساعة تسعة ونص وأنا متفق على الساعة تسع...
متعب وهو يضحك:لما تودع العزوبية وتتزوج لازم تكون تسع ونص بالبيت ما فيه سهر برا البيت...ما فيه تأخير...
تركي وهو يبتسم:خير أن شاء لله أنا لما أتعدل يكون بمزاجي وبراحتي...
وطلع تركي ...
تركي وهو في سيارته رايح لموعده...
دق جواله...
....: تركي
تركي:هلا والله يباه...
أبو بندر: تركي توني مسكر من أبو محمد ويقول حياكم الله ...
تركي :يعني موافقين...
أبو بندر:أكيــــــد...ومن يقدر يرفض تركي ولد عبدالله...
تركي:أخذت منهم موعد...
أبو بندر: إيه على الخميس الجاي بنروح الشرقية ....والله يعين على اختيار خالتك...
تركي:إن شاء الله خير ....
أبو بندر:إن شاء لله تأمر على شي؟
تركي:ما يأمر على عدو...
أبو بندر:في حفظ الله..
تركي:مع السلامة.....
ويقفل الجوال تركي ويفكر في مستقبله مع بنت ما يعرف عنها إلا اسمها
.... تركي عمره سبعة وعشرين سنه شاب الكل يحلم فيه وسيم لدرجة تبهر الأعين ورجل خلوق وطيب يحب الاعتماد على نفسه في كل الأمور رفض يشتغل مع أبوه وحب يعمل لنفسه ومستقبله دخل العسكرية
لأنها حلمه من صغره و دايم يقول عنها مصنع الرجال...عيبه عصبيته الزايدة وغروره الزايد ويبي اللي معاه يمشون مثل الساعة يعني بدون أخطاء...
هو ترتيبه الرابع في العائلة...
اكبر واحد أبو فارس بندر 40سنه متزوج عائشة بنت عمه
بعده فاطمة 37سنه متزوجة ولد خالها ناصر
وبعدها متعب 30 سنه متزوج سارا بنت عمته
وبعدين تركي...
وبعدين آخر العنقود بشاير18سنه حلوة ودلوعة...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
وش رح يصير لما يجي تركي بأهله الشرقية على الموعد؟؟؟
و إيش معنى شذى بالذات اختاروها لتركي؟؟؟
قصة حب تركي وقصة حب شذى؟؟؟
و رأي أم تركي..............و رأي محمد اخو شذى بالخطبة؟؟؟
----------------- -----------
يلاا ياحلوين وش رأيكم ببداية القصة
أكمل القصة أو لا ؟؟!!...
و ترى الجزء الأول ما يحمس كثيررر
بس أذا قريتو الجزء الثاني والثالث صدق بتتحمسون وتحبون القصة ...
============= ==============
((... يا عيونه بس يكفيني عذاب ...))<< قصه سعوديه رررووووعهـ شويه عليها ... 
