تجيـــــــــــــــــــــــن ؟؟؟
تجين نشاور أهداب السحاب اللي جلس يرتاح
وش أحلا لون فص الشمس وإلا لون وجناتك
تجين نعلّم التوت المشـي ونزخـرف التفـاح
ونشرح بالكرز والثلج كيف تسيل ضحكاتـك
تجين نجدّل خيوط الشعاع ونشعـل المصبـاح
ونشعل في حنايا العمر نور زهور خطواتـك
تجين نقفّل أبواب الفـراق ونكسـر المفتـاح
بعد مانسترد اللي من أحـلام الوصـل فاتـك
تجين نحارب الدنيا ومن فيهـا بـدون سـلاح
أنا بالحب وإنتي بالجمـال وسحـر نظراتـك
تجين بفالنا الطيـب نقـوّم حظنـا لـو طـاح
ونربط في جناحين الأمـل شرطـان هقواتـك
تجين نغمض عيون القلـوب ونتبـع الأرواح
وأراهن شمسك أني غير أزور أبعد مداراتـك
تجين نصارح القمرى بنور ظلالـك الوضـاح
ونكشف للسحاب ان البروق اسبـاب لفتاتـك
تجين نسابق أنـوار الفنـار لنظـرة المـلاح
ونكتـب للسفـر مافيـك لّـذه غيـر آهاتـك
تجين أبدل الباقي بعمري عمـرك اللـي راح
وأكـون أول حبيـب ٍ فـي نهاياتـه بداياتـك
تجين نعد كم نجم ٍ تعثر فـي سنـاك وطـاح
وكم بـدر ٍ تمنـى لـو قبالـه مثـل تقفاتـك
وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك
شآآعر
أع ـــجبتني
تجين .. نقفل أبواب الفرآق ونكسر المفتآح ؟؟ 
العرض العادي
