--------------------------------------------------------------------------------
تــّوك صغيره وابتديتي تحبين
من علمك ليل السهر ياصغيره؟
بدري عليك العشق يابنت هاللحين
حرام هذا القلب وشهو مصيره؟
انتي بريئه في الهوا ليه تشقين؟
إدروبه إطوالن عليك وعسيره
رحتي بدربن ماله اصلا عناوين
وانتي مشاويرك من اول قصيره
ياطفلتن حــبّــت وراحت على وين؟
عقب الهناء ذقتي الحياه المريره
وينك ووين الحب والشوق والبين؟
عـنّـيـتـي إعيونك وصرتي سهيره
أمحق تسلّي كان ودّك تسلّين
الورد لولا اللون وشهو عبيره؟
خلّيتي إدروسك وصرتي إتحاتين
الدرس في ديره وصرتي إبديره
وصرتي بعد من غير هذا إتغارين
والمشكله يابنت منتي خبيره
نصيحتي لك كان ودّك تردين
يم السعاده والحياة المثيره
خلّك إبجو العايله لاتعدّين
ماما وبابا والعجوز الظريره
شيبانك اللّي مايبونك إتعانين
من بينهم عشتي كأنّك أميره
الحب قبلك هز ناسن كثيرين
خلّا القلوب إتعيش همّن وحيره
الحب يفضح لا انكشف داخل العين
وانتي بنفسك ماهقيتك بصيره
طيعي كلامي واحذري لاتمادين
تراجعي لاعل في الأمر خيره
عيشي الطفوله والبراءه لك إسنين
وبعدين حبّي لاغديتي كبيره
وبالفعل إستمعت للنصيحه وهي الآن أم لأربعة أولاد
وتسلمون من كل شر ومكروه ,,,,,,,,,,,,,,,,,,
تــوّك صـغـيــره وابــتــديــتـي تـحـبـيـن + مـن عـلـمـك لــيـل الـسـهــر يـاصـغيره ؟ 
العرض العادي
