قبل لا تنوي الفرقا أمانه لا توصيني
أنا من وين ما ودّك معاك و أمري بكيفك
وغلات الزاد والعشرة واللي بينك وبيني
عهد مني لأخونك كل لحظة مع طيفك
* * * * * *
أنا وشلون أحس البرد وكفوفك تدفيني
ربيعي شوفت عيونك أذوب فبردك وصيفك
وصوفك آه يا وصوفك هي اللي لعبت فيني
يضيع الوصف كل الوصف من روعة تواصيفك
* * * * * *
عليك الله وأمان الله تكفى لا تجافيني
أنا ما عدْت أميّز مِنْ طعنّي الوقت أو سيفك
دخيلك لا تقول الآه لا تبجي وتناديني
أنا عونك بهالدنيا محد يكسر مجاديفك
* * * * * *
هلا بالوافي اللي طول عمره ما يخليني
هلا كلي أبشربها من اللهفة سواليفك
مدام القلب بآيدينك أنا وش عاد بيديني
تفضّل دارك عيوني ومنت الضيف أنا ضيفك
* * * * * *
•?• الــــفــــرقـــــآ •?• 
العرض العادي
