خمسه ضحك وفرفشه,,,,,,,,,,,

[المايسترو]

نكت على كيف كيفكم

.مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : لو سمحت من فضلك قلعني الجاكتة

فالاولاني قال له : نعم؟!!!
فالتاني قال : قلعني الجاكتة بسرعة
حاضر.. حاضر و راح مقلعه الجاكتة
لو سمحت بقه قلعني الكرافتة
إيه؟!!
الكرافته ..الكرافته بسرعة
حاضر.. حاضر و راح مقلعه الكرافته و هو مستغرب اوي من الراجل الغريب ده : ها يا سيدي اي خدمة تانية!!
اه .. معلش فكلي زراير القميص
لااااا دانت زّودتها اوي .. كده تاخد برد يقلب بنزلة شعبية حادة تاخد أجلك
من فضلك فكها .. بسرعة .. ارجوك
ُافففففف.. وادي زراير القميص خلاص فكتها.. دا كان يوم إيه المهبب ده, ها أي اوامر تانية؟
أيوه قلعي بقه القميص
يا سيدي عييب .. مايصحش كده , د إحنا فى الشارع خللي عندك دم .. .. يا حول الله يا رب !!
أرجوك.. أرجوك بسرعة.. مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ... هاااا.. إيه تاني!!
إرسملي على ظهري خطوط بالطول و خطوط بالعرض
حسبي الله و نعم الوكيل .. إنت مجنون ياراجل أنت؟؟!!
من فضلك .. أرجوك
رسمتلك زفت بالطول و زفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب .. بقه إنت معطلني كل ده علشان تلعبني سيجه على قفاك؟!!!!
بسرعة لو سمحت .. أرجوك رقمهم .. من فضلك مش قادر
أديني رقمتهم...
لو سمحت بقى أهرشلي في المربع رقم 33



.اتنين بلدياتنا راحوا يصطادوا واحد صاد ‏والتاني ضاد


.بلدياتنا فتحوا محل بيتزا .....سموه بيتزا ‏هععععععععععع


. سوسو و توتو واقفين بيشاورا لعربية على ‏الطريق وقفت لهم عربية بعيد شوية سوسو قال لتوتو يا خسارة وقفت في المكان اللي كنا ‏هاننزل فيه


.كلب فاقد الذاكرة فماشى عمال يقول صوصو.. ‏لأه.. نونو.. لأه

. ليه الفيل بيلبس شورت أحمر؟؟؟

(عشان الأخضر مش ‏مغسول)



. مرة 10 بلدياتنا بيهرجوا مع بعض .. مات منهم ‏خمسه و فضل خمسة فقالوا كفاية كده لحسن تقلب بجد



. مرة اثنين رايحين يتعدموا واحد منهم غتت فبيسئلوهم نفسكم فى أية فرد الأول قال لهم نفسى أشوف أمى أما الثانى فقال لهم ‏نفسى ده مايشوفش أمه



. مرة حمار إتجوز حمارة قال لها مبروك يا ‏حمارة قالت له هانبدأ الشتايم من دلوقتي



. مرة واحد بلدياتنا اتفرج على اعلان سجاير ‏مارلبورو تاني يوم راح اشترى حصان



. مرة واحد أجنبي لقى مصباح علاء الدين دعكه ‏طلعله الجني قاله شبيك لبيك تطلب ايه: قاله: طلعلي كل المصريين من هنا فالجني ‏قاله: ليه بس يا عم احنا عملنالك حاجه



. مرة واحد رخم كان سكران سكران قابل واحدة وحشة اوى ... ‏فاول ما شافها قعد يضحك ويقولها انتى وحشة اوى ... قالتلة جرى اية يا سكران ... ‏قالها طيب انا هافوق بكرة طيب وانتى هتعملى اية؟



. مرة واحد ضرب التليفون صعب ‏عليه



. مرة واحد قابل واحد زميله بيجرى سأله مالك ‏قاله مراتى قاله مالها قاله أكلت 5 كيلو سمك جالها تسمم.. قاله لاحول الله وانت ‏رايح تجيب لها الدكتور قاله لا رايحل أجيب لها 5 كيلو ‏كمان



. مرة واحدة رفيعة بلعت زتونة افتكروها ‏حامل



. مره 1 شارب راح للبقال فقال له عندك سكر ‏فقاله ايوه فقاله بلدياتنا ربنا يشفيك



. مره حارس من حراس الحدود كان بيعدى عليه كل ‏يوم واحد راكب عجلة و فيها جردلين رمل فكان الحارس يقعد يفضى الجرادل علشان فاكر ان ‏الراجل بيهرب فيها مخدرات لكن مكانش بيلاقى فيها غير رمل بس ...كل يوم عالحال ده ..‏لغاية ما زهق..وبعدين جه فى مره اجبره عالاعتراف باللى بيهربه فقال له انا باهرب ‏عجل



. مره عشرة بلديتنا ماشيين ورا بعض وقعوا في ‏حفرة واحدة



. مره واحد بلدياتنا شاف اشرة موزه على الأرض ‏فقال يييه هاتزحلق تانى



. مره واحد راجع البيت محشش ومهيس طحن..فضل ‏يخبط علي باب بيته:افتحي يا وليه يا ام سيد...يا ام سيد...محدش فتحله الباب,الراجل ‏اتنرفز و اتعصب راح شايط صفيحة الزباله الي جمب الباب...الصفيحه طارت ف الهوا و ‏فتحتله دماغه.الراجل:افتحي يا ام سيد الصفيحه هتموتني


. مره واحد ركب اوتوبيس شاف واحده قاعده راح ‏بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....‏راح قعد مكانها


. مره واحد مسطول راح لمحل ساندوتشات وقاله ‏والنبي اعمللي اتنين جبنه رومي فرد عليه صاحب المحل :معلش يا بيه العيش خلص والله ‏قاله خلاص اعملهم لانشون



. ميكانيكي اشترى سرير نام ‏تحتيه


. واحد بلدياتنا اتجوز مراتة خلفت بعد أربع ‏أشهر و نص اتغاظ .كان ناوى يموت مراتة.مراتة قالت لة انا متجوزاك من اربع اشهر و نص ‏انتا و انتا متجوزنى من اربع اشهر و نص يبقوا كام شهر .سكت و قال لها يبقوا تسعة.. ‏كنت حاظلمك



. واحد بخيل راكب القطر ومعاه ابنه ومش ‏عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك ‏فالكمسرى بيقوله ايه اللى مطلعه فى ايدك برة ده .. فدخل ايده جوة وقال له ما فيش ‏حاجة



. واحد بلدياتناغنى قوى ..راح يصطاد فى ‏افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 ‏نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى ‏نوبليز نوبليز نوبليز (no please)



. واحد بارد وقف تاكسى قال له فاضى يا أسطه ‏قال له فاضى قال بلدياتنا طاب ماتيجى نلعب دورين كوتشينة



. واحد بيقول لواحد أنا خايف أوى أصل أمى ‏اتوحمت على كلب وحاسس انى عايز أهوهو وأعض الناس رد عليه الثانى بهدوء: يا راجل دى ‏خزعبلات أنا أمى اتوحمت على اسطوانة مشروخة ومحصليش حاجة حاجة حاجة حاجة حاجة حاجة ‏حاجة حاجة حاجة



. سواق تاكسي نايم مراتة دخلت علية بالليل ‏وقفلت الباب بشويش..صحى قال لها افتحية واقفلية ‏تانى!!!!



. واحد بخيل بيغرق ..... وندل ماشى على ‏الشط .. البخيل انقذنى ... الندل قاله هات جنيه ....البخيل ‏بببببريززةااااا



. واحد راح لدكتور عيون علشان يعمله عملية ‏فبعد ما فكله الرباط قال للدكتور مش شايف يا دكتور,الدكتورقاله دول كام قله مش ‏شايف,قله طب دول كام قله مش شايف مش شايف, راح الدكتور مسك ودنة و قله طب دى أية ‏قله دي ودنى الدكتور قله يااخى خضيتنى عليك



. واحد رخم جداً دخل السينمــا مالقاش فيهــا ‏غير واحد بس قعد وراه ..وقال له لو سمحت راسك علشان مش شايف



. واحد سودانى وقع ‏اتقشر



. واحد صينى وقع ‏اتكسر



. واحد كسلان دخل للحلاق فقاله الحلاق شعر ولا ‏دقن قاله شعر قاله ارفع راسك قاله خلاص خليها دقن



. واحد كل يوم يصحى من النوم يلاقى نفسه مدهوش - ‏راح للدكتور - الدكتور ادى له علاج تانى يوم راح له - الدكتور قال له ايه الاخبار - ‏قال له يا دكتور انا قمت من النوم لقيت نفسى مش مدهوش ذى كل يوم قمت ‏اندهشت



. واحد وقع من الدور الثاني لقى مصرعه ثم وقع ‏من الدور الرابع لقى حتفه ثم وقع من الدور الثامن لقى الاثنين مع ‏بعض


. واحدة بتقول لجوزها خليك رومانسي زي جارنا ‏ابو محمد ما هو رومانسي مع مراته قالها و ابو محمد بيعمل ايه مع مراته قالتله كل ‏يوم الصبح قبل ما يروح الشغل يبوسها و يقولها مع السلامة يا حبيبتي و كده يعني ‏قالها انا موافق بس ابو محمد هيوافق



. واحدة ست تخينة قوى قوى مش عارفين يوزنوها ‏علشان الميزان كل مرة ينكسر جابوا احدث ميزان من برة وقالوا خلاص هنعرف وزنها بعد ‏ماطلعت على الميزان الميزان خرج ورقة مكتوب عليها one by one please - (بالدور)


.واحد كسلان اتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم ياجدع



.واحد ندل قالو له الحق مراتك قاعدة مع صاحبك في البستان
راح جاري ورجع على طول وقال لهم هم شجرتين عملتوهم بستان
والراجل طلع لا صاحبي ولا اعرفو


.بخيل بيته ولع أدى رنه للأسعاف من موبايله


.واحد بلدياتنا اشترى موبايل ركبله جهاز اظهار رقم الطالب


.واحد مجنون عقل ..طلق مراته


.اثنين بلدياتنا لعبوا شطرنج الملك مات بالسكته القلبيه


.واحدة عاوزة زوجها يحبها من اول ليله قالته : اسكت .. مش انا حامل


.واحد بلدياتنا حب يشرب سيجارة حطها ف كباية


.مهندس كهربا شاف سلك عريان .. اتكسف منه


.ولد صغير بيقول لـ مامته .. بتضربينى ليه يا ماما .. هو انا بابا


.بلدياتنا نزل البحر و كان فية سحب جامد .... كسب تلاجة


.سباك راح فرح حلف ماحد ينقط


.دكتور محشش ضحى بالأم و الجنين عشان العمليه تنجح


.واحد رخم أوي دخل غرفة دردشة عمل على الناس كلها إجنور


.لعيب كورة .. شاط ريحته طلعت


_____________________________________

هههههههههههههههههههههههههههههههههههههههههه




لا للحزن والأكتئاب

[غرامي ضحكتك]

ههههههههههههههه

يعطيك العافيه

[عذآب]

سوسو و توتو واقفين بيشاورا لعربية على ‏الطريق وقفت لهم عربية بعيد شوية سوسو قال لتوتو يا خسارة وقفت في المكان اللي كنا ‏هاننزل فيه

هههههههههههههههههههههههههههههههههههه

اللـ هـ يعطيك العافيه مايستروو

ولا تحرمنا من جديدك

وإلىا الإماامـ ياعسل ههههه

[ضنان الشوق]

// ههههههههههههههههههههههه //

يعطيك العافيه